Ааламдагы бардык кесиптерден, бардык милдеттерден жогору турганы - эне болуу, энелик милдетти аткаруу. Ар бир баласынын кыял-жоругун, эмнени жакшы көрүп, эмнени жаман көрөрүн, эмнеге кубанып, эмнеден коркорун бир гана эне сезип, туят эмеспи. Кезектеги уктурууда ушул жоопкерчиликтүү милдет тууралуу сѳз кылабыз.

Адамдын сүйлөгөн сөзүнүн күчү зор. Адамдын оозунан чыккан бир да сѳз башкаларга кандайдыр бир таасир бербей, жөн гана калып калбайт. Сөз менен бир адам экинчи адамга терең кубаныч тартуулашы мүмкүн, же сөз менен экинчи адамды бүтпөс кайгыга, ызага салышы мүмкүн. Андыктан, бардыгы сөздүн бийлигинде.