"Апалар мектеби" уктуруусу: Балдарды кыйкырбай, уруп-сокпой тарбиялоо мүмкүнбү? Уруп-согуп, кыйкырмайын бала чын эле укпайбы? Укпаса кантиш керек? 

"Апалар мектеби" уктуруусу: Мугалимдердин ак кызматы, окуучулар менен ата-энелердин мектепке жана мугалимге карата мамилеси. Байыртадан эле устаттардын, мугалимдин эл агартуу, сабатсыздыкты жоюу ишинде салымы зор. Демек, келечек муундун сабаттуу, ийгиликтүү болушу үчүн, мугалимдер кылып жаткан ишти баалай билүү өтө маанилүү. Учурдагы кырдаалда да бул ардактуу кесип ээлери өздөрүнүн бардык мүмкүнчүлүктөрүн балдарыбыздын билим алуусу солгундап калбашы үчүн жумшап жатышат. 

"Апалар мектеби" уктуруусу:Бир эле булактан таза суу да, шор суу да чыгышы мүмкүнбү? Жок, мүмкүн эмес. Ал эми биз балдарыбызга кандай сөздөрдү айтып жатабыз? Оозубуздан аларга карата жакшы сөздөр менен бирге эле жаман сөздөр да чыгып жаткан жокпу? Жакшынын жакшы, жамандын жаман таасири бар. Эгер балдарыбыздын келечеги жарык, бактылуу болсун десек, азыртан алардын жүрөгүн жакшы сөздөргө сугаралы. Кезектеги уктуруу жакшы жана жаман сөздөр, ошондой эле алардын таасири менен күчү тууралуу болмокчу.

"Апалар мектеби" уктуруусу: Кичинесинде үйдө ур-токмок жеп чоңойгон балдар кийин агрессивдүү чоң адамдарга айланабы? Балдарды уруп-согуунун пайдасы жана зыяны канчалык? Баланы уруп-согуп тарбиялоонун кесепети кай жакка чейин жетет? 

"Апалар мектеби" уктуруусу: Өспүрүмдөрдүн депрессиясын кантип убагында байкап, кантип убагында жардам берүүгө болору тууралуу. Өспүрүм балдар депрессия түшөт деген нерсе оюңузга келди беле? Алардын шалдырап, эч нерсеге көңүлү келбей, айтканды уккусу келбей, көңүлдөрү чөгүңкү жүргөн учурларынын себепчиси жаш курагына байланыштуу эле өзгөчөлүкпү?