Үй-бүлөнүн бактылуу болушуна да, бактысыз болуп калышына да үйдүн башчысы катары эркек жооптуубу? Негизи эле күйөө менен аялдын үй-бүлөдөгү ролу кандай?

Кыргызда "Жаңылбас жаак, мүдүрүлбөс туяк болбойт" деген кеп бар. Анын сыңарындай, ар бирибиз кемчилик кетиребиз. Жер бетинде эч каталык кетирбеген бир да адам болбосо керек. Бирок жаңылып, кемчилик кетирип алгандан кийин, өзүңдү кечире билүү - эң башкы маселе. Кээ бир адамдар өзүн күнөөлүү сезүүдөн кутула албай, кыйналышат. Дагы башкалары өмүр бою өзүн-өзү жектеп, башкалардан жазганып, ким эмне деп ийет деп, ар кимдин көзүн карап жашашат. Бүгүнкү берүүбүздө биз дал ушул күнөөлүү сезимден арылуу жолун издемекчибиз.

Чыныгы мырзалардын сапаттары: Чынчыл, бекем, туруктуу, камкор...

Ошентип, достор, сөгүнүү - бул жөн эле адепсиз сөздөр эмес, адамдын ички дүйнөсүнүн, руханий абалынын көрсөткүчү. Урушчаак, таарынчаак, ачууга тез алдырган, өзүнөн башканы жактырбаган, тажаал, эч кимге сөз бербеген, элдешкис, орой мүнөз, ыймансыз адамдарды заар тилдүү деп атоого болот. Мындай адамдар аракечтикке, баңгиликке, сойкулукка, бузуктукка оңой берилип, аморалдык жашоо образынан таптакыр уялышпайт. Аларда уялуу, башкаларды урматтап-сыйлоо деген сезим мокок болот. Ошондуктан алар эч кимди көзүнө илбей, үйдө болобу, коомдук жайларда болобу, кыжыры келсе, кимди болбосун сөгүп сала берет. Чындыгында бул кадимки эле психикалык оору. Себеби ыпылас, адепсиз, орой жана сөгүнгөн сөздөр адамдын психикасын талкалоочу күчкө ээ.

Кудайдын куттуу күнү, оозубуздан миңдеген сɵздɵр чыгат. Алардын канчасы тɵгүн, канчасы чын. Канчасы каргыш, канчасы алкыш. Канчасы уят (сɵгүнгɵн сɵздɵр), канчасы ыйман… Бизди уккандар шыктанабы же шылдыңга кабылабы. Айткан кептерибиздин кɵбү какшыкбы же тартуулайбы элге шаттыкты??? Айтор эмнеси болсо да, илгеркилер айткандай «ойноп сүйлɵсɵк да, ойлоп сүйлɵйлүчү». Бири бирибизди кɵтɵрмɵлɵп, шыктандырып жашайлычы туугандар. Бүгүкү берүүбүз ушул туурасында.